Starfsbraut
Starfsbrautin er fyrir nemendur sem notið hafa verulegrar sérkennslu á grunnskólastigi og þurfa sérhæft einstaklingsmiðað nám miðað við færni og áhuga. Um er að ræða fjögurra ára námstilboð. Á 1. og 2. námsári er áhersla lögð á hefðbundið bóknám með starfstengdu ívafi m.a. með vettvangsferðum í fyrirtæki og stofnanir. Á 3. og 4. námsári er (auk bóklegs náms) áhersla á starfskynningar og vinnustaðanám. Aðeins er tekið inn á þessa braut að hausti. Nemendur brautarinnar hafa jafnframt möguleika á að stunda nám í almennum áföngum. Forsenda fyrir inntöku nemanda er að greining sérfræðinga fylgi umsókn.

Markmið

• Að stuðla að alhliða þroska nemandans.
• Að auka sjálfstæði nemandans í daglegu lífi og örva hann til sjálfstæðrar ákvarðanatöku.
• Að veita nemendum menntun sem nýtist þeim í daglegu starfi og tómstundum.
• Að auka reynslu, þekkingu og færni nemandans til að takast á við viðfangsefni fullorðinna í daglegu lífi.
• Að nemandinn öðlist þekkingu og leikni til að stunda einföld störf á vernduðum eða almennum vinnustað.

Leiðir
Kennsla er byggð á rökstuddri námsáætlun fyrir nemendahóp eða einstakling, sem byggir á markmiðum aðalnámskrár framhaldsskóla og upplýsingum um þarfir nemanda og mati á stöðu hans í námi og þroska. Áhersla er á einstaklingsmiðað nám samkvæmt einstaklingsnámskrá sem tekur mið af færni og þörfum nemendans.

Helstu námsþættir

• bóklegar námsgreinar: s. s. íslenska, stærðfræði og enska
• samfélagsgreinar: s. s. lífsleikni og landafræði
• verk- og listgreinar: s. s. myndmennt,  handmennt og heimilisfræði
• heilsurækt og heilbrigðisgreinar: s. s. Íþróttir
• starfsfræðsla, starfsþjálfun og vinnustaðanám