Reglur um tölvunotkun

1. Öll umgengni um tölvur skólans og tölvuver á að vera í samræmi við almennar umgengnisreglur í skólanum, ganga skal vel um tæki og tölvuver.
    
2. Tölvurnar á að nota í námstilgangi og því hafa nemendur, sem eru að vinna að verkefnum eða öðru tengt náminu, forgang á tölvur skólans.
    
3.  Hver og einn ber ábyrgð á sínu notandanafni á kerfi skólans og má ekki láta það öðrum í té.
    
4. Gagna- og vefsvæði nemenda takmarkast við 200 MB en hægt að sækja um stækkun.
    
5.  Ekki má vista gögn eða setja upp forrit eða breyta uppsetningum á einstaka tölvum, öll gagnavistun skal vera í My Documents - sem er á gagnanetþjóni skólans.
    
6. Fjöldasendingar eða ruslpóst er ekki leyfilegt að senda á alla notendur póstkerfisins samtímis, aðeins stjórnendur eða forystumenn mega senda upplýsingar eða tilkynningar tengdar skólastarfi til notenda með slíkum hætti.
    
7. Skólinn áskilur sér rétt til að fara yfir, skoða og eyða gögnum á vef- og gagnasvæðum nemenda ef tilefni er til vegna brots á tölvureglum eða almennum siðareglum.
    
8. Skilyrðislaust ber að hlýða starfsmönnum skólans finni þeir að tölvunotkun hjá einstaka notendum kerfisins.

Brjóti notandi gegn reglum þessum um tölvunotkun má umsvifalaust svipta hann aðgangi að tölvukerfi skólans.