Starfsemi safnsins

Gögn á safni
Bókasafn skólans er á miðhæðinni í Miðhúsi. Bækur, mynddiskar, myndbönd, snældur,  tímarit,  hljóðbækur og úrklippusafn standa nemendum og kennurum til boða.  Útlán eru mest á sviði tungumála, sagnfræði og félagsvísinda en mesta notkun safnsins felst í  lánum á námsbókum innanhúss. Þegar nýnemar hefja nám eru þeir þegar orðnir skráðir lánþegar og þurfa ekki lánþegakort.

Tölvur og netaðgangur
Nemendur hafa aðgang að tölvum á safninu ásamt skanna og prentara. Þráðlaus nettenging stendur nemendum einnig til boða. Standtölva á safninu er ætluð til leitar í Gegnir.is, bókasafnskerfi sem hýsir samskrá íslenskra bókasafna. Safnkosturinn er að mestu leyti komin í Gegni en útlánakerfin verða enn um sinn tvö því yfirfærsla stendur yfir úr skráningarforritinu Metrabók yfir í Gegni.

Innkaup bóka og tímarita
Kennarar og nemendur skólans hafa rétt á að koma með tillögur og óskir, bæði varðandi starfsemi safnsins og innkaup á bókum og tímaritum. Stefna safnsins í þeim efnum er að öllu jöfnu að setja í forgang íslenskar bækur í sagnfræði og bókmenntum en auk þess skipa listgreinar, tungumál og félagsfræði nokkurn sess. Öll innkaup eru í samráði við  forstöðumann safnsins: bg@flensborg.is.

Lesaðstaða
Nemendur hafa aðgang að lesaðstöðu inni á safninu sjálfu, í einangraðri lesstofu og hópvinnuherbergi.

Flokkunarkerfi
Safnkosturinn er flokkaður samkvæmt Dewey flokkunarkerfinu sem er alþjóðlegt. Kerfið skiptist í 10 efnisflokka:

Kerfið greinist síðan í tugi, einingar og brot, allt eftir því hversu sértækt efni bókarinnar er.

Röðun í hillur
Á kjalmiða bókanna stendur flokkunartalan og síðan fyrir neðan þrír fyrstu stafirnir úr nafni höfundar eða úr titli ef höfund vantar. Bókunum er raðað eftir flokkunartölu: 

Innan hverrar flokkunartölu er síðan raðar eftir t.d. höfundi: