Málabraut 3. ár

Nú líður að lokum á náminu hjá þér. Athugaðu að þó þú sért á þriðja ári er ekki víst að þú náir að klára í vor. Til þess þarftu að ljúka að meðaltali 33,3 einingum á önn og tryggt að einingar í grunnfögunum á 1. þrepi séu ekki fleiri en 15, annars þarftu að taka meira en 200 einingar. Ýmislegt annað gæti líka staðið í veginum, s.s. runur af áföngum sem þú verður að taka, þar sem einn áfangi er undanfari þess næsta.

Þú sérð brautakröfuna þína í Innu (undir „Námsferill“). Þar sérðu hvort þú átt eitthvað eftir í kjarnanum, hvort íslenskan er í lagi, félagsgreinarnar, náttúrufræðigreinarnar, heilsuefling, þriðja tungumál og bundið val.

Nú þarftu að tryggja að þú uppfyllir kjarnafögin og lágmarksfjölda áfanga í bundnu vali samkvæmt brautalýsingunni. (Hér er brautalýsingin með afrekssviðinu). Í Innu geturðu séð brautakröfuna og hvort/hvernig þú ert búin(n) að uppfylla hana. Lestu skýringarnar vel (s.s. um fjölda eininga o.s.frv. í hverjum hluta). Einnig þarftu að tryggja að þú sért með a.m.k. 200 einingar við námslok.

Mikilvægt er að þú skoðir vel hæfniviðmið háskólanna fyrir það nám sem hugur þinn stefnir á.

Best er að þú hafir samband við Hrefnu Geirsdóttur, umsjónarmann námsferla, ef þú ert ekki þegar búin(n) að því. Hún fer yfir ferilinn með þér, sér hvort allt sé í lagi og ráðleggur þér hvað þú átt að velja. Þú færð upplýsingar um viðtalstíma hennar á skrifstofunni.

Athugaðu að þú mátt velja allt að 2 áfanga af bundnu vali annarra brauta (að því gefnu að þú sért ekki á afrekssviði). Hagaðu því eins og hentar hæfniviðmiðunum í því námi sem þú stefnir á.

Á síðustu önninni þinni velurðu áfangann VIBS1LO01 (sem hét áður LOK171).

Skoðaðu áfangaframboðið vel og langtímaframboðið, ef þú reiknar með sjöundu önninni. Sumir áfangar sem þú vilt taka eru bara kenndir á vorönnum.

Mundu að velja varaval. Inna gerir kröfu um að tveir áfangar séu skráðir í varaval, annars tekst ekki að vista valið.

Hér eru svo leiðbeiningar um hvernig þú velur í Innu.

Varðandi afrekssviðið:

Nemandi á 3. ári velur AÍÞR2HÁ03. Ef þú ert ekki búin(n) með íþróttafræði, íþróttameiðsl og/eða skyndihjálp, skaltu velja það.