Nemendaþjónusta

Námsráðgjöf

Hlutverk námsráðgjafa Flensborgarskólans er að standa vörð um velferð nemenda og vera málsvari þeirra innan skólans. Nemendur geta leitað til námsráðgjafa í trúnaði. Námsráðgjafar eru til staðar fyrir nemendur og eru tilbúnir til að leiðbeina þeim í öllum þeim málum sem geta haft áhrif á námsframvindu þeirra. Námsráðgjafi aðstoðar nemendur við að finna sínar eigin lausnir í þeim málum er hamla þeim í námi.
 
Það er eitt af markmiðum námsráðgjafa að samstarf heimilis og skóla sé sem öflugast þannig að hægt sé að vinna saman að velferð nemenda. Nemendur og foreldrar/forráðamenn eru hvattir til að hafa samband við námsráðgjafa ef eitthvað bjátar á sem þeir telja að geti hamlað þeim í námi, stórt eða smátt.
 
Hafi nemendur greiningar um námserfiðleika eru þeir hvattir til að koma þeim sem allra fyrst til skila til Elínar Rögnu Þorsteinsdóttur, nemenda- og kennsluráðgjafa skólans. Það er forsenda þess að hægt sé að greiða götu þeirra varðandi stuðning og úrræði.

Ráðgjafateymi skólans

Helga Valtýsdóttir Námsráðgjafi helgav@flensborg.is
Elín Ragna Þorsteinsdóttir Nemenda- og kennsluráðgjafi elinragna@flensborg.is
Sunna Þórarinsdóttir Námsráðgjafi sunna@flensborg.is

 

Viðtalstímar og staðsetning

Viðtalstímar:

09:00 - 15:00 þriðjudaga til fimmtudaga
09:00 - 14:00 föstudaga

  • Skrifstofur námsráðgjafa eru staðsettar á fyrstu hæð í Hamri, við hliðina á fyrirlestrarsalnum.
  • Skrifstofa nemenda- og kennsluráðgjafa er í Brekku, á 2. hæð, gegnt kennslustofu B204.


Hægt er að líta við hjá námsráðgjafa og bóka tíma, senda póst á netföng eða hringja í síma 565 0400 og fá samband við námsráðgjafa.