FÉLA2JS05 - FÉLA2JS05 - Félagsfræði – Jafnrétti og samfélag

Viðfangsefni: Almenn félagsfræði, jafnrétti, menning og félagsmótun

Lýsing á áfanga: Í þessum áfanga kynnast nemendur helstu hugtökum félagsfræðinnar og félagslegum festum sem tengjast félagsmótun, jafnrétti og samfélagsgerð. Áhersla er lögð á að skilja hvernig einstaklingar verða hluti af samfélaginu í gegnum félagsmótun, hvernig gildi, viðmið og menning móta hegðun okkar, og hvernig félagsleg staða og kyn hefur áhrif á tækifæri og sjálfsmynd fólks.

Þekkingarviðmið: Nemandi skal hafa öðlast þekkingu og skilning á

• Helstu hugtökum félagsfræðinnar
• Helstu hugtökum jafnréttismála
• Mikilvægustu félagsmótunaraðilunum
• Einkennum og áhrifum félagslegra festa og stofnana
• Birtingarmyndum hinseginleikans
• Áhrifum staðalmynda og fordóma á mismunandi hópa

Leikniviðmið: Nemandi skal hafa öðlast leikni í að:

• Beita félagsfræðilegum hugtökum í almennum umræðum
• Meta þá félagslegu þætti sem áhrif hegðun, hugsun og daglegt líf
• Útskýrt hvernig félagsmótun og menning hafa áhrif á viðhorf til kynja og jafnréttis
• Geta gert grein fyrir ályktunum sínum á fjölbreyttan og rökfastan hátt
• Greina samfélagsleg viðfangsefni út frá félagslegu sjónarhorni

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• Geta beitt öguðum vinnubrögðum, tekið ábyrgð á eigin námi og unnið í samvinnu við aðra
• Greina samfélagsumræðu á gagnrýnin hátt
• Greint hvernig félagsmótun og menning móta viðhorf til kynja og jafnréttis
• Beitt þekkingu sinni til að greina eigin viðhorf og fordóma og rýnt í hvernig þau verða til.
• Skilja mikilvægi mannréttinda og jafnréttis sem grunnstoða lýðræðis.

Einingar: 5

Vinnulag áfangans, námsmat og fleira:

Áfanginn byggir á umræðum, innlögnum kennara og einstaklings- og hópaverkefnum, jafnt skriflegum sem munnlegum. Hlutapróf eru lögð fyrir reglulega yfir önnina og í lokin taka nemendur lokapróf í áfanganum. Lögð verður áhersla á verkefnavinnu þar sem nemendur þjálfast í gagnrýninni hugsun, greiningarhæfni og rökstuddu mati og skoðunum. Auk smærri verkefna verður lagt fyrir viðamikið þema verkefni sem tengist jafnrétti. Þá verður lögð áhersla á verkefnavinnu sem reynir á skapandi lausnir, hugmyndauðgi og styrkleika hvers og eins nemenda.