Nemendaþjónusta

Náms- og starfsráðgjafar

Við Flensborgarskólann starfa tveir náms- og starfsráðgjafar.

Aðsetur þeirra er á 1. hæð í Hamri. Hægt er að panta tíma með því að koma við á skrifstofum þeirra eða með því að bóka tíma.

Hlutverk námsráðgjafa Flensborgarskólans er að standa vörð um velferð nemenda og vera málsvari þeirra innan skólans. Nemendur geta leitað til námsráðgjafa í trúnaði. Námsráðgjafar eru til staðar fyrir nemendur og eru tilbúnir til að leiðbeina þeim í öllum þeim málum sem geta haft áhrif á námsframvindu þeirra.

Námsráðgjafi aðstoðar nemendur við að finna sínar eigin lausnir í þeim málum er hamla þeim í námi.

Það er eitt af markmiðum námsráðgjafa að samstarf heimilis og skóla sé sem öflugast þannig að hægt sé að vinna saman að velferð nemenda.

Námsráðgjafarnir eru til viðtals alla virka daga frá 9:00 til 15:00. 

Tímabókanir

 Nemenda- og kennsluráðgjafi

Rannveig Klara nemenda- og kennsluráðgjafi skólans sér um að halda utan um greiningar og sérúrræði í námi. Skrifstofa hennar er í Brekku, 2. hæð á móti stofu B204.

Viðtalstímar Rannveigar eru á miðvikudögum og fimmtudögum, eða eftir samkomulagi.

 

Tímabókanir

 

 Sálfræðiþjónusta

Allir nemendur í framhaldsskólum eiga rétt á sálfræðiþjónustu þurfi þeir á henni að halda. Flensborgarskólinn er með samstarfssamning við Sálfræðihúsið í Hafnarfirði, Bæjarhrauni 8.

Námsráðgjafar eru tengiliðir milli nemenda og sálfræðinga Sálfræðihússins og aðstoða nemendur við að fá tíma. Biðtími er almennt ekki langur.

Skólinn styður nemendur um þrjá viðtalstíma á námstímanum.

 

Ungmenni 16 ára og eldri geta óskað eftir heilbrigðisþjónustu, þar á meðal viðtali hjá sálfræðingi, án samþykkis forráðamanna.

 Hjúkrunarfræðingur

Hjúkrunarfræðingur skólans er starfsmaður Heilsugæslu Höfuðborgarsvæðisins.

Nemendur geta komið við eða bókað tíma hér

 

Nemendur geta komið við eða bókað tíma hér

 

 Umsjón

Umsjónarkennsla nemenda

 
Nemendur á fyrsta ári eru með umsjónarkennara og tilheyra bekkjarkerfi. Meginhlutverk umsjónarkennarans, eða Hámarkskennarans, er að fylgjast með námi nemenda, vera til ráðgjafar og leiðsagnar auk þess að vera tengiliður á milli nemenda og skóla.
 
Nemendur á 2. ári hafa umsjónarkennara sem hittir á nemendur eftir þörfum, þó aðallega í tengslum við miðannarmat og eins til að aðstoða nemendur við val næstu annar.
 
Nemendur á 3. ári sjá sjálfir um val sitt fyrir hverja önn, en upplýsingar um framkvæmd valsins eru vel auglýstar hverju sinni og geta nemendur haft samband við áfangastjóra eða námsráðgjafa ef þeir þurfa aðstoð. Möguleg útskriftarefni næstu annar, velja sér áfanga fyrir lokaönn sína í samráði við áfangastjóra.
 
VIBS1LO01 er áfangi útskriftarefna þar sem umsjónarkennari er til staðar og styður við nemendur með ýmsum hætti. Nemendur skipuleggja dimmisjón í tímunum, vinna að útgáfu útskriftarblaðs og skipuleggja fjáraflanir.