Sérsvið

Félagslífssvið

Þátttaka í stjórnun og skipulagi félagslífs skólans getur verið hluti af námi nemenda. Einnig getur þátttaka í skipulögðu sjálfboðaliðastarfi utan skóla komið til eininga.

Nemendur sviðsins:

• Nýta 10 einingar af bundnu vali brautarinnar í séráfanga sviðsins

• Nýta 10 einingar af frjálsu vali brautarinnar í séráfanga sviðsins

• Félagslífssvið er að hámarki 20 einingar

Uppsetning sviðs:

Íþróttaafrekssvið

Flensborgarskólinn í Hafnarfirði starfrækir íþróttaafrekssvið í samstarfi við ÍBH (Íþróttabandalag Hafnarfjarðar), öll íþróttafélög á landinu og ÍSÍ. Sviðið er hluti af námsbrautum til stúdentsprófs en séráfangar sviðsins eru ýmist teknir hjá skólanum eða viðkomandi íþróttafélagi. Tilgangurinn er að efla ungt íþróttafólk og búa það undir að stunda íþróttir sem atvinnumenn eða afreksmenn í sinni grein. Komið er til móts við nemendur á íþróttaafrekssviði t.d. vegna keppnisferða með tilhliðrun prófa og verkefna.

Nemandi kemst á íþróttaafrekssvið ef skólinn og viðkomandi félag/deild og ÍSÍ samþykkja.

Á haustönn fá allir nemendur sviðsins greiðsluseðil fyrir efnisgjöldum í heimabankann. Innifalið í gjaldinu er æfingabolur, merktur skólanum, og umsýslugjald vegna stuðnings við nemendur og umsjónar við sviðið. Gjaldið er árlegt og þá alltaf ný peysa/nýr bolur sem nemendur geta vonandi nýtt vel, hvort sem er til æfinga eða til notkunar í daglegu lífi. 

Skipulag afrekssviðsins er á þann veg að á hverri önn tekur nemandi tveggja eininga afreksáfanga með æfingum og líkamsstyrktarþjálfun. Að auki lýkur nemandinn tveimur íþróttafræðiáföngum, þar sem umfjöllunarefnin eru m.a. íþróttasálfræði, markmiðasetning, næringarfræði og þjálffræði, og tveimur styttri námskeiðum, í skyndihjálp og meðhöndlun íþróttameiðsla.

Þeir áfangar sem tilheyra íþróttaafrekssviði Flensborgarskólans eru eftirfarandi:

Ráðgjöf og stuðningur við íþróttaafreksfólk

Flensborgarskólinn veitir íþróttaafreksnemendum sínum ráðgjöf og stuðning í námi. Oft getur álag við íþróttaiðkun eða meiðsl sett strik í reikninginn hjá ungu og efnilegu íþróttaafreksfólki sem og löng fjarvera vegna keppnisferðalaga. Díana Guðjónsdóttir, íþróttakennari og afreksþjálfari, hefur áratuga reynslu af því að vinna með ungu íþróttafólki og hefur hún á undanförnum árum veitt þeim leiðsögn og stuðning bæði í námi og í afreksgrein þeirra. Díana er með opna viðtalstíma og verða þeir auglýstir á heimasíðu skólans og á auglýsingaskjám.

Hægt er að skoða tengingu við brautir hérna:

• Félagsvísindabraut-afrekssvið
• Opin námsbraut-afrekssvið
• Raunvísindabraut-afrekssvið
• Viðskipta-og hagfræðibraut afrekssvið

Verkefnastjóri sviðsins er Díana Guðjónsdóttir
Díana er með opna viðtalstíma í viðtalsherberginu í Hamri á mánudögum á milli kl. 09-11:30.
Hægt að panta tíma með því að senda á diana@flensborg.is

Listnámssvið

Flensborgarskólinn starfrækir listnámssvið í tónlist í samstarfi við Tónlistarskóla Hafnarfjarðar.

- Nám í tónlistarskóla, 20 einingar metnar (Grunnnám, miðnám og/eða hljómfræði)

• Nýta 10 einingar af bundnu vali brautarinnar í séráfanga sviðsins

• Nýta 10 einingar af frjálsu vali brautarinnar í séráfanga sviðsins

Flensborgarskólinn starfrækir tæknisvið í forritun.

• Tæknisvið er hluti af námsbrautum til stúdentsprófs.
• Tilgangurinn er að nemendur geti þjálfað færni sína í forritun samhliða framhaldsskólanámi og nýtt námið sem hluta stúdentsprófsins.
• Námið er að hámarki 20 einingar sem koma í stað bundins og frjáls vals á braut.
• Hægt að taka með öllum brautum stúdentsprófs.
• Kemur að hluta í stað sérhæfingar á stúdentsbrautinni.

Alþjóðasvið

Alþjóðasvið er nýjasta svið Flensborgarskólans og er hluti af námsbrautum til stúdentsprófs. Nemendur geta nýtt allt að 20 einingar af alþjóðatengdu námi inn á námsbrautir skólans. Tilgangurinn er að veita nemendum tækifæri til að dýpka skilning sinn á alþjóðamálum, tungumálum og fjölmenningu samhliða framhaldsskólanámi og nýta námið sem hluta stúdentsprófsins.

** Fyrir nemendur með íslensku sem annað móðurmál
*** Áhersla áfangans þarf að snúa að alþjóðafræðum í samráði við kennara