Endurtektarpróf

Flensborgarskólinn býður í fyrsta sinn nýnemum að taka endurtektarpróf áður en ný önn hefst í janúar 2026. Tilgangur endurtektarprófa er að tryggja viðeigandi grunnþekkingu og færni nemenda svo þeir geti haldið áfram námi sínu við skólann. Þannig fá tækifæri til að ljúka grunnáföngum í kjarnagreinum svo þeir geti haldið í við samnemendur í bekk sem og fylgt námi á braut.

Boðið er upp á endurtektarpróf í eftirfarandi áföngum:

• DANS1TO05
• DANS2FD05
• EFNA2AM05
• ENSK2HF05
• STÆR1AR05
• STÆR2HG05
• STÆR2AF05

* Skilyrði fyrir því að fá að taka endurtektarpróf er að nemandi hafi tekið lokapróf í áfanganum eða sambærilegt lokanámsmat.

* Nýnemum býðst að skrá sig í tvö endurtektarpróf að hámarki. Fyrir hvert próf greiða nemendur kr. 18.000. Hægt er að greiða gjaldið á skrifstofu skólans eða með millifærslu á reikning skólans: 0544-26-007895, kennitala 611175-1919.

Prófin verða haldin í Flensborgarskólanum 2. og 5. janúar 2026. Próftafla fyrir þessa daga verður birt þann 19. desember n.k.

Skráning í prófin fer fram á skrifstofu skólans dagana 16. og 17. desember á milli kl. 08.30 og 13.00. Einnig er hægt að hafa samband við skrifstofu með tölvupósti á netfangið skrifstofa@flensborg.is eða í síma 565 0400.

Skráning í próf er einungis gild eftir að greiðsla hefur farið fram.