ÍSLE1LK05 (ST) - Leikhúsmenning, leiksýningar og íslenskar kvikmyndir - Starfsbraut

Viðfangsefni: Leikhúsmenning, leiksýningar og íslenskar kvikmyndir.

Lýsing: Markmið áfangans er að gefa nemendum tækifæri til að kynnast íslensku leikhúslífi og íslenskum kvikmyndum. Fylgst verður með hvaða sýningar eru í gangi hverju sinni. Nemendur sækja leiksýningu og fara í kynnisferð í leikhús. Kynntar verða íslenskar kvikmyndir og farið í kvikmyndahús. Fjallað verður um sögu, einkenni og skemmtanagildi leikhúss og kvikmynda. Fjallað verður um starfsemi áhugamannaleikhúsa og sjálfstæðra leikhópa.

Forkröfur: Engar

Þekkingarviðmið: Nemandi skal hafa öðlast þekkingu og skilning á:

• hvert er hægt að fara í leikhús/kvikmyndasýningar
• hvar er hægt að nálgast upplýsingar um leikhússýningar/kvikmyndasýningar
• hvar og hvernig er hægt að kaupa miða
• sögu leikhúss og íslenskra kvikmynda í víðu samhengi
• starfsemi áhugamannaleikhúss
  
  

Leikniviðmið: Nemandi skal hafa öðlast leikni í að:

• sækja leiksýningu/kvikmyndasýningu
• gera grein fyrir leikhús upplifun sinni
• greina mismunandi innihald og boðskap í leikhúsverkum/kvikmyndum
• skilja mun á áhugamannaleikhúsi og leikhúsi
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• mynda sér skoðun á leiksýningum/kvikmyndum
• taka þátt í umræðum á gagnrýnin hátt
• hlusta á sjónarmið annarra af víðsýni
• gera sér grein fyrir að saga leikhúss og kvikmynda eru hluti af menningararfi Íslendinga