ÍSLE2BM05 - Íslenska - Bókmenntir og málvísindi

Viðfangsefni: Snorra-Edda, Íslendingaþættir, félagsleg málvísindi, lestur, ritgerð, bókmenntafræði

Lýsing: Í áfanganum verður lögð áhersla á lestur, hvort sem um ræðir fornan eða nútímalegan texta. Nemendur fá að kynnast hugmyndaheimi Snorra-Eddu. Helstu hugtök í bókmenntafræði verða kennd og nemendur beita þeim við lestur. Helstu hugtökum í ritgerðarsmíð verða gerð skil og þeim beitt í ritun. Nemendur læra um samspil tungumála og samfélags í gegnum félagsleg málvísindi.

Forkröfur: ÍSLE2HU05

Þekkingarviðmið: Nemandi skal hafa öðlast þekkingu og skilning á:

• bókmenntatextum frá ólíkum tímum, m.a. Snorra-Eddu, Íslendingaþáttum o.fl.
• helstu hugtökum í ritgerðarsmíð
• ýmsum hugtökum er varða félagsleg málvísindi
• helstu atriðum sem varða munnlega tjáningu og því að vera virkur í umræðum
  
  

Leikniviðmið: Nemandi skal hafa öðlast leikni í að:

• lesa fornan texta t.d. Snorra-Eddu og Íslendingaþætti
• lesa mismunandi nytjatexta og greina þá
• rita rökfærsluritgerðir þar sem hann beitir gagnrýninni hugsun og kemur skoðunum sínum á framfæri á skýran og greinargóðan hátt
• sjá hvernig samfélagið hefur áhrif á tungumál
• tjá sig munnlega og setja fram texta á skilmerkilegan hátt
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• sýna skilning á ýmis konar fornum texta og orðaforða hans
• geta útskýrt og miðlað, munnlega og skriflega, þekkingu sinni á norrænni goðafræði
• afla sér heimilda á sjálfstæðan hátt og nýta þær í ritun heimildaritgerðar
• miðla hugmyndum sínum um gildi textanna og aðalatriði þeirra
• sýna skilning á því hvernig tungumál breytast og þróast í mannlegu samfélagi