LÍFS1VE03 (ST) - Valdefling - Starfsbraut

Viðfangsefni: Valdefling.

Lýsing: Áhersla er á lýðræði og mannréttindi. Farið verður í hugtökin lýðræði, jafnrétti og mannréttindi og hvernig þessi hugtök birtast í samfélagi nútímans hjá fólki með fötlun. Sérstök áhersla verður lögð á valdeflingu (empowerment). Fjallað er um réttindagæslu fatlaðra og hvernig hún nýtist nemendum. Fjallað er sérstaklega um samning Sameinuðu Þjóðanna um málefni fólks með fötlun.

Forkröfur: Engar

Þekkingarviðmið: Nemandi skal hafa öðlast þekkingu og skilning á:

• lýðræði og hvað það felur í sér
• jafnrétti og hvað það felur í sér
• mannréttindum og hvað það felur í sér
• réttindagæslu og hvað hún felur í sér
• hvaða réttindagæslumaður er á svæði nemandans
  
  

Leikniviðmið: Nemandi skal hafa öðlast leikni í að:

• átta sig á birtingarmyndum lýðræðis fyrir sig sem einstakling
• átta sig á birtingarmyndum jafnréttis fyrir sig sem einstakling
• átta sig á birtingarmyndum mannréttinda fyrir sig sem einstakling
• átta sig á hvað valdefling þýðir fyrir einstaklinginn
• leita eftir aðstoð réttindagæslumanns

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• geta metið eigin stöðu í samfélaginu út frá mannréttindum, lýðræði og jafnrétti
• taka afstöðu til málefna sem varða fólk með fötlun í samfélaginu
• meta hvenær um misrétti er að ræða á milli fatlaðra og ófatlaðra
• vita við hvaða aðstæður þarf að leita aðstoðar réttindagæslumanns á sínu svæði