LÍST1NH03 (ST) - Núvitund og hamingja - Starfsbraut

Viðfangsefni: Aðferðir jákvæðrar sálfræði og núvitund.

Lýsing: Fjallað er um aðferðir jákvæðrar sálfræði og núvitund. Nemendur kynnast jákvæðri sálfræði sem og hvernig þeir geta nýtt aðferðir hennar og bjargráð í daglegu lífi, þeim til aukinnar vellíðunnar. Megin áhersla er lögð á hagnýtar aðferðir og að nemendur taki virkan þátt í æfingum og verkefnum sem bæta líðan, sjálfsmynd og velferð þeirra. Innihald áfangans er breytilegt frá önn til annar og tekur mið af þeim hópi nemenda sem er skráður í áfangann hverju sinni. Lögð er áhersla á að auka þekkingu nemandans þannig að hann öðlist hæfni til að iðka núvitund á eigin forsendum.

Forkröfur: Engar


Þekkingarviðmið: Nemandi skal hafa öðlast þekkingu og skilning á:

• núvitund og hvernig er hægt að þjálfa hugann til að upplifa meiri samkennd, velvild og jafnaðargeð
• mikilvægi þess að vera sáttur við sjálfan sig
• mikilvægi hollra lífshátta fyrir sjálfsmyndina
• mismunandi leiðum í samskiptum og samstarfi
• mikilvægi jákvæðrar sjálfsmyndar og sjálfsvitundar
  
  

Leikniviðmið: Nemandi skal hafa öðlast leikni í að:·

• iðka núvitundaræfingar
• eiga góð samskipti við aðra í mismunandi aðstæðum
• halda og efla einbeitingu
• þekkja sjálfan sig
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• gera sér grein fyrir mikilvægi jákvæðni og samkenndar
• geta nýtt sér núvitund til að vera meðvitaður um hugsanir sínar
• gera sér grein fyrir eigin sjálfsmynd og vera sáttur við hana
• styrkja sjálfsmynd sína
• vera umburðarlyndur gagnvart mismunandi einstaklingum
• lifa í núvitund og geta útskýrt hvað það er
• upplifa samkennd og velvild