NÁTV1EE03 (ST) - Eðlis- og efnafræði - Starfsbraut

Viðfangsefni: Byggt á efnum og eðli hluta, verkegir tímar.

Lýsing: Viðfangsefni áfangans verða byggð bæði á efnum og eðli hluta. Tímarnir eru verklegir og ein tilraun gerð í hverjum tíma. Nemendur kynnast því hvernig tilraunir eru framkvæmdar og þjálfast í vinnubrögðum sem tengjast framkvæmd þeirra. Verkefnin verða tengd umhverfi nemenda með það fyrir augum að auka áhuga þeirra og kynna þeim mikilvægi þekkingar á eðlis- og efnafræði í daglegu lífi.

Forkröfur: Engar

Þekkingarviðmið: Nemandi skal hafa öðlast þekkingu og skilning á:

• hvar og hvenær eðlis- og efnafræði kemur við sögu í daglegu lífi
• grundvallarvinnubrögðum við tilraunir í efna- og eðlisfræði
• efnum og eðli efna sem nýtt eru við tilraunir
  
  

Leikniviðmið: Nemandi skal hafa öðlast leikni í að:

• grundvallarvinnubrögðum við tilraunir í efna- og eðlisfræði
• nota viðeigandi tæki og áhöld við einfaldar tilraunir
• setja upp og framkvæma verklegar æfingar/tilraunir
• vinna úr niðurstöðum
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• tengja verklegar æfingar/tilraunir við daglegt líf og umhverfi
• nýta sér eðlis- og efnafræði í hinu daglega lífi
• koma niðurstöðum tilrauna á framfæri á einfaldan hátt
• draga ályktanir og útskýra út frá niðurstöðum verklegra æfinga
• umgangast efni og eðli þeirra á ábyrgan hátt