STAR1SV05 (ST) - Starfsnám á vinnustað - Starfsbraut

Viðfangsefni: Einstaklingurinn sem starfsmaður og atvinnulífið almennt.

Lýsing: Í þessum áfanga fá nemendur tækifæri til kynnast atvinnulífinu af eigin raun. Áhersla er lögð á að nemendur kynnist völdu starfi í ákveðinn tíma og læri gildi þess að vera ábyrgur í verki. Áfanganum er ætlað að auka sjálfstæði og sjálfsöryggi nemanda þannig að þeir geti tekið virkan þátt í atvinnulífinu að skóla loknum.
Starfsnámið er skipulagt í samráði við nemendur og vinnuveitendur.

Forkröfur: Engar

Þekkingarviðmið: Nemandi skal hafa öðlast þekkingu og skilning á:

• fjölbreyttum vinnustöðum
• mismunandi störfum innan vinnustaðar og þeim vinnubrögðum sem þarf til að inna þau störf af hendi.
• gildi vinnunnar í lífi fólks og þess að vera ábyrgur í verki
• mikilvægi sjálfstæðis á vinnustað
• mikilvægi þess að fara eftir fyrirmælum á vinnustað
• áhættuþáttum sem leynast í starfsumhverfinu
  
  

Leikniviðmið: Nemandi skal hafa öðlast leikni í að:·

• velja sér vinnustað út frá raunhæfum markmiðum
• vinna sjálfstætt eða undir leiðsögn
• fylgja fyrirmælum
• fylgja hreinlætisreglum á vinnustað
• fylgja samskiptareglum á vinnustað
• koma sér til og frá vinnu á réttum tímum
  
  

Hæfniviðmið: Nemandi skal geta hagnýtt þá almennu þekkingu og leikni sem hann hefur aflað sér til að:

• taka þátt í atvinnulífinu
• sýna ábyrgð í verki
• biðja um aðstoð ef þess þarf
• nota viðeigandi öryggisbúnað á vinnustað.
• tilheyra starfsmannahópi