Landskeppni framhaldsskólanna í líffræði

Fyrsta umferð í landskeppni framhaldsskólanna í líffræði, sem er hluti af forvali fyrir Ólympíukeppnina í líffræði (IBO 2026), var haldin á dögunum. Alls tóku 185 nemendur úr átta framhaldsskólum þátt í keppninni og komust 40 efstu áfram í úrslit.

Bekkur 6 - Raunvísindabekkur, tók þátt í keppninni fyrir hönd Flensborgarskólans og komust tveir nemendur bekkjarins áfram í úrslit: Daníel Breki Þorsteinsson og Kári Garðarsson.

Við óskum þessum nemendum innilega til hamingju með árangurinn og óskum þeim góðs gengis í úrslitum keppninnar!